Shqiptari mbyti me rrip nënën e tre fëmijëve

Të mërkurën do të fillojë në Vjenë të Austrisë gjyqi për vrasje ndaj Nehat K., ish-refugjatit 35- vjeçar nga Kosova, i cili në tetor të vitit 2015 kishte mbytur bashkëshorten e tij (34), Miroslaven, shkruan gazeta austriake heute.at, përcjell albinfo.ch.

Kamerieri shqiptar punonte në dy turne që t’ia jepte bashkëshortes së tij 3 mijë euro në muaj.

Megjithatë, Miroslava shpesh më me dëshirë qëndronte në Sllovaki, te prindërit e saj, e mashtronte bashkëshortin dhe mezi e lejonte t’i shihte tri vajzat e tij.

Kur ajo kërkoi divorcin, ai refuzoi të ketë kujdestari të përbashkët për fëmijët dhe kështu erdhi deri te akti i Nehat K. Me një rrip të një çante, ai e mbyti nënën e fëmijëve të tij.