Opinione
Shpresa ‘99
Shkruan Nezir Kraki
Në mars të vitit 1999 qëllimi i vetëm i intervenimit të NATO-s në Kosovë ka qenë kthimi i shpresës me kthimin e njerëzve. Dhe, ky qëllim u arrit më 12 qershor 1999. Shpresa u kthye bashkë me njerëzit dhe lirinë…
Sot, 20 vjet më vonë, në Kosovë shpresë më s’ka, liri ndoshta po. Shpresën e marsit 1999 e shqelmuan përdhunuesit e ëndrrave të një populli të shkretë. Ata që e mbytën në embrion shtetin që do të lindte.
Sot, 20 vjet më vonë, shpresa e vetme në Kosovë mbetet ikja, ikja nga Kosova…
Ikja për bukë, për shërim, për shkollim, për ëndrra, për shpresë…
Sa e tmerrshme ikja për mbijetesë! Ikja nga zhgënjimi, nga barnat e falsifikuara, nga ajri i mykur, nga drejtësia e shitur, nga mjekësia, biznes, nga banditët e kravatuar…. ikja nga çnjerëzorja.
E tash s’kemi as miq që të na rikthejnë shpresën. Bota nuk qan më për ne, edhe pse ende jemi në eksod. Jemi rrugëve. Të pavend, të pashtet, të pashpresë. Tash jemi përsëri ai populli i izoluar, i paformuar, i paorganizuar, i pakombëzuar. Jemi ai vendi që kujt t’i teket e sulmon, e copëton, e bisedon, e bllokon.
Megjithatë, përpjekja s’bën të ndalet, ashtu siç s’u ndal me qindra vjet.
Duhet t’ia kthejmë shpresën këtij vendi, këtij populli. Është urgjenca më e madhe që e kemi pasur ndonjëherë.
Duhet ta ndalim zhbërjen.
(Mars 2019)
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?