Shiu dhe stuhitë shkaktuan vërshime lokale

Janë vërshuar me këtë rast bodrume dhe garazhe të shumta në disa regjione të Zvicrës

Pas tempereturave shumë të larta që mbretëruan ditëve të fundit, pasditja e djheshme në shumë regjione të Zvicrës është karakterizuar me mot me shi dhe stuhi. Në pjesë të regjionit Berner Oberland të kantonit të Bernës, në Oberaargau dhe në Unterwallis kanë rënë mbrëmë të reshura të mëdha që kanë shkaktuar edhe vërshime lokale. 

Janë vërshuar me këtë rast bodrume dhe garazhe të shumta në këto regjione.

Po ashtu për shkak të rrezikut nga stuhia, është ndërprerë dje pasdite gara tradicionale e kalimit me not të Liqenit të Cyyrihut. Me mijëra veta që ishin paraqitur për pjesëmarrje nuk patën mundësi të hynin në ujë.