Së shpejti hapet Muzeu i Selfieve

Një Muze i Selfieve pritet të hapet në Los Angeles muajin e ardhshëm… madje do t’iu kushtojë vizitorëve 25 dollarë për hyrje.

Si atraksion aty do të shihen vepra arti të inspiruara në selfie dhe do të ketë shumë hapësira të dizajnuara ku mund të bëhen ca të tilla prej vizitorëve. Do të ketë edhe figura me personazhe të njohura filmike.

Themeluesit erdhën me idenë pasi menduan se një muze modern nuk duhet të jetë vetëm me art – ata donin që aty të bëhen edhe foto të vet mysafirëve, transmeton Albinfo.ch.

Themeluesit Honton dhe Tair Mamedov kanë thënë për “Mashable” se lidhje mes njerëzve dhe artit ka ndryshuar.

“Tani njerëzit nuk duan të jenë vetëm klientë të heshtur, ata duan të jenë pjesë e artit. Ka më shumë selfie me Mona Lisën se që ka piktura Mona Lisa”, kanë thënë ata.

Muzeu i Selfieve do të ketë edhe hapësira të dedikuara për njerëzit të cilët kanë ndërruar jetë duke u përpjekur të bëjnë selfie.