Pilotit zviceran i përkeqësohet gjendja, kopiloti aterron sigurt në pistë

Një pilot zviceran, në fund të gushtit ishte detyruar të tërhiqet nga drejtimi i avionit për shkaqe shëndetësore, në një udhëtim drejt Nicës në Francë.

166 pasagjerët duket se nuk kanë vërjetuar asgjë nga ky incident: Kopiloti vazhdoi udhëtimin dhe avionin e aterroi në mënyrë të sigurt në pistë.

Avioni i Kompanisë “Swiss” A320 zviceran ishte duke u nisur nga Cyrihu për në Nicë më 26 gusht të këtij viti, kur rreth orës 23.00 ndodhi incidenti rëndë, rreth tre kilometra në jugperëndim të aeroportit, sipas raportit paraprak të zyrës së hetimit të sigurisë zvicerane SUST, të publikuar të premten.

Komandanti zviceran i lindur në vitin 1969, nuk mundi ta kontrollojë më avionin për “shkaqe shëndetësore”, shkruan “SDA”, përcjell Albinfo.ch. Me këtë rast, kopiloti e aterroi avionin në mënyrë të sigurt në aeroportin e Nicës, me 166 pasagjerë. SUST tani ka filluar hetimet.