Pesë vitet e fundit, më të ngrohtat në histori

"Ne kishim periudhën më të ngrohtë pesë vjeçare në histori, dhe viti 2015 mori epitetin e vitit më të ngrohtë. Ky rekord do të tejkalohet në vitin 2016"

Pesë vitet e fundit kanë qenë vitet më të ngrohta në histori dhe gjithnjë është konfirmuar se përmbytjet dhe nivelet e detit në rritje janë shkaktuar nga ndryshimi i klimës, ku faktori njerëzor është përgjegjës kryesor, thanë Kombet e Bashkuara (OKB).

“Ne kishim periudhën më të ngrohtë pesë vjeçare në histori, dhe viti 2015 mori epitetin e vitit më të ngrohtë. Ky rekord do të tejkalohet në vitin 2016 “, tha për Reuters Petteri Talas, sekretari i përgjithshëm i Organizatës Botërore Meteorologjike.

Kjo organizatë, si më ekstreme i ka konsideruar thatësirën dhe urinë në Afrikë, gjatë 2011/12, kur humbën jetën 250 mijë njerëz dhe tajfunin në Filipine, nga  i cili në vitin 2013 pësuan 7,800 njerëz.

Stuhia “Sandy” në vitin 2012 shkaktoi dëme prej 67 miliardë dollarësh, kryesisht në SHBA. Raporti i Organizatës Botërore Meteorologjike u publikua në samitin në Marrakesh, në të cilin u mblodhën rreth 200 vende për të zbatuar marrëveshjen globale për të luftuar ndryshimet klimatike.