Përleshje me thikë në Kaliforni, katër të vdekur

Një burrë është në paraburgim pas një përleshjeje me thikë që la katër persona të vdekur e dy të lënduar në një skenë krimi në Kaliforninë Jugore.

Policia iu tha medieve amerikane se dhuna dukej e rastësishme me të vetmet motive të njohura për dy orë tërbimi si “vjedhje, urrejtje, vrasje”.

“Ne e dimë që ky njeri ishte përplot inat dhe lëndoi shumë njerëz”, tha policia e Garden Grove, transmeton BBC.

Sulmi vjen vetëm disa ditë pasi shteti u lëkund nga sulmet masive në El Paso dhe Ohio, ku mbetën 31 persona të vdekur.

I dyshuari ishte i armatosur me dy thika të mëdha të tipit machete, u tha në një konferencë pas sulmit. “Ai ishte shumë brutal kur i sulmoi viktimat”, u tha tutje.

Sulmi filloi rreth orës 16:00 në kohën lokale, kur policia mori një thirrje nga dy persona, të cilët raportuan se apartamenti i tyre ishte vjedhur.

Një thirrje tjetër erdhi shpejt për një vjedhje në një furrë në Garden Grove, përcjell Albinfo.ch.

Nga furra, policia thotë se i dyshuari i kthye në apartamentin e tij, ku goditi me thikë dy persona pas një zënieje me fjalë, përcjell Albinfo.ch

Rreth orës 18:00, i dyshuari dyshohet se u fut në një pikë karburanti, ku sulmoi një burrë që pomponte gaz, ku thuhet se gati ia shkëputi hunden nga fytyra viktimës.

Detektivët gjurmuan makinën e të dyshuarit në parkingun e një dyqani komoditeti në Santa Ana. Burri doli nga dyqani menjëherë ku mbante një thikë të madhe dhe një armë që ai kishte marrë nga roja e sigurimit.

Pas arrestimit të tij, policia u informua se burri dyshohet se kishte vrarë edhe një punonjës mashkull në një restorant aty pranë.