“Pati ngjarje të orkestruar ndaj ministrit Lluka, BE-ja ta disiplinojë Serbinë“

Ministri i Punëve të Jashtme, Behgjet Pacolli, ka reaguar ndaj provokimit që i është bërë ministrit të Zhvillimit Ekonomik, Valdrin Lluka, në Beograd, në një prej paneleve të Samitit Digjital. 

Sipas Pacollit, ka pasur një ngjarje të orkestruar, ku në një moment janë paraqitur në ekranet e panelit thirrje shoviniste kundër Republikës së Kosovës, përcjell albinfo.ch.

Pacolli i ka bërë thirrje BE-së që, siç është shprehur ai, ta disiplinojë Serbinë dhe njëherësh ka kërkuar nga Brukseli zyrtar të sqarojë pozicionin e saj ndaj këtyre reagimeve. 

Deklaratat Pacolli i ka bërë pas kthimit nga udhëtimi i tij në shtetet afrikane, prej nga tha se ka marrë premtime për njohje.