Parlamenti i Maqedonisë shpërbëhet më 16 prill

Zgjedhjet e parakohshme parlamentare në Maqedoni mbahen më 5 qershor

Pas caktimit të mbajtjes së zgjedhjeve të parakohshme parlamentare në Maqedoni më 5 qershor, sot është marrë vendimi që përbërja aktuale e deputetëve të parlamentit të shpërndahet më 16 prill. Lajmin e bëjnë të ditur agjencitë e lajmeve në Shkup, sipas të cilave pas kësaj date do të mund të fillojë edhe fushata elektorale e subjekteve politike. Ndërkohë, deri më 16 prill Parlamenti pritet të votojë të gjitha pakot e ligjeve që kanë të bëjnë me zgjedhjet, përfshirë këtu kërkesat e opozitës. Partitë e këtij fraksioni, mes të cilave edhe LSDM-ja e Branko Cervenkovskit, kanë deklaruar se do vijojnë bojkotin e Parlamentit.