Kosova
Osmani për gazetën austriake: Detyrimi për vizë është “absolutisht i padrejtë”
"Ky nivel izolimi në vitin 2021, kur BE është hapur edhe për një numër vendesh më të largëta, është një çmenduri"
Presidentja e Kosovës, Vjosa Osmani, në një intervistë që i ka dhënë gazetës austriake “Wiener Zeitung” fajëson BE-në për trajtimin e pabarabartë të Kosovës, me pamundësimin nga ana e saj që kosovarët të lëvizin pa viza. albinfo.ch sjell këtë intervistë, të përkthyer në shqip, me shkurtime.
Gazetarja në pyetjen e saj konstaton se “zëri i Austrisë nuk është aq i lartë sa të dëgjohet kur ajo angazhohet për regjim pa viza dhe kështu, kosovarët janë të vetmit në rajon që ende kanë nevojë për vizë kur udhëtojnë në BE”. Këtij konstatimi, presidentja Osmani i përgjigjet: “Është absolutisht e padrejtë. Shumë të rinj më thonë se ndihen sikur jetojnë në kafaz. Ky nivel izolimi në vitin 2021, kur BE është hapur edhe për një numër vendesh më të largëta, është një çmenduri. Ne jemi pjesë e kontinentit evropian, ne jemi evropianë. Ne duam të jemë pjesë e kësaj. Kosova ka rreth dy milionë banorë, prandaj BE nuk ka pse të ketë frikë nga migrimi masiv.
Është një shqetësim i paarsyeshëm. Kishte një problem në vitet 2014/2015 kur shumë njerëz ua patën mësyrë vedneve të BE-së për të jetuar atje. Por numri i tyre ka rënë në mënyrë dramatike. Kosova nuk është më në listën e 40 vendeve nga vijnë më shumë migrantë, thotë Osmani, përcjell albinfo.ch.
“Ne kemi përmbushur të gjitha kriteret e nevojshme për heqjen e detyrimit të vizave, më shumë sesa u është dashur vendeve tjera të përmbushnin. Është BE ajo që nuk i mban premtimet dhe që dobëson besueshmërinë e saj. Disa shtete anëtare hezitojnë ta bëjnë këtë (heqjen e detyrimit të vizave) për arsye të politikave të tyre të brendshme. Por kjo nuk është arsye për të ndëshkuar kosovarët që ndihen sikur janë në një geto politike.
E pyetur për uljen e besueshmërisë së BE-së në Ballkan që po konstatohet kohëve të fundit, presidentja e Kosovës përgjigjet: “Kosova kurrë nuk ka shikuar në ndonjë drejtim tjetër. Ne e shohim afrimin me BE si rrugën që duam të ndjekim. Dhe edhe nëse zhgënjimi me Bashkimin Evropian po rritet, ne nuk “ndërrojmë anën”.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik