Një përdorues i bankomatit zbulon mashtrimin!

Tepër e rrallë: një banor nga Lausanne ka zbuluar me sukses se bankomati në të cilin sapo kishte tërhequr të holla ishte i trafikuar.

Duke tërhequr të hollat e tij nga bankomati, Daniel Pereira de Abreu vëren se pullat e bankomatit nuk shtypeshin mirë. Ai fillon t’i gërryej ato gjerësa zbulon se pllaka me pulla ishte një kopje e vendosur sipër pllakës origjinale. E përditshmja Le matin flet për rastin e djaloshit të rij.

I habitur, Daniel tregon se ai mendonte se gjëra të tilla nuk mund të ndodhnin në Zvicër. Në saj të shkathtësisë së tij, portugezi 27 vjeç arrin të vërë në pah një mashtrim marramendës. Pas këtij fshihej një transaksion mashtrues që përfshin mbledhjen e të dhënave në shiritat magnetik të kartës së përdoruesit bashkë me kodin e tij. Natyrisht, se kjo vjedhje e të dhënave bëhej pa dijen e përdoruesit.

Pllaka në fjalë e mbivendosur në origjinal nuk mund të vërehej lehtë: ishte një kopje e përsosur dhe ishte shumë e vështirë për të dalluar mashtrimin, thotë Daniel. Policia ka ndërhyrë menjëherë dhe pohon se nuk ka pasur viktima të bankomatit në fjalë.

Për fat të keq, në shumicën e rasteve mashtruesit arrinin qëllimin e tyre. Statistikat e policisë kantonale të Vaud-it tregojnë se që nga fillimi i vitit 148 raste janë regjistruar, kundër 142 më 2010. Ndërsa vite me parë flitej për rreth 100 raste.