Një grua 87-vjeçare theu rekordin botëror në shah

Një pensioniste hungareze 87-vjeçare, Brigitta Sinka, ka mundur të dielën rekordin botëror të lojës simultane të shahut, duke tejkaluar rezultatin e 13.545 lojërave të luajtura nga José Capablancan.

Por, ndryshe nga lojtari legjendar kuban, kjo nuk është profesioniste e kësaj loje.

“Në një moment mendova të ndërpres lojën për të medituar në kujtim të zotit Capablanca”, ka thënë ajo në një park të Budapest-it, ku mbahej  turneu. Por, shton 87-vjeçarja, e cila kishte tejkaluar dukshëm të dielën mbrëma 13.600 lojërat, “kishte aq shumë njerëz që prisnin që të lëvizë piunët dhe unë vazhdova”.

Punonjëse në një konglomerat komunist të specializuar në riciklimin e metaleve, Brigitta Sinka është marrë me qindra fëmijë që vinin në pushimet verore të organizuara nga kompania.

Ajo dëshiron të vazhdojë

Kur në vitin 2010 ajo kishte arritur 9000 pikë, një historian i shahut e informon për ekzistencën e rekordit të Jose Capablancan. “Unë kurrë nuk kishte dëgjuar për të më parë. Dhe, në atë moment i thashë vetvetes se do të arrij ta mund”, shpjegon ajo, duke shpresuar se arritja e saj do të miratohet nga Libri Gines i rekordeve.

E shtruar në spital qe disa vjet pas një sulm në zemër, ajo kishte luajtur 14 ndeshje të njëkohshme me infermieret, ndërsa mjeku i saj i kishte urdhëruar të heqë dorë nga shahu. Ajo nuk e dëgjoi.

“Unë do të vazhdoj për aq kohë sa shëndeti do të më lejojë”, thotë zonja.