Në këtë vend italian, shtëpitë po shiten nga 1 euro

Case1Euro

Jemi mësuar të dëgjojmë për dyqane që shesin produkte “Gjithçka 1 euro”, por në Mussomeli të Italisë, me këtë çmim mund të blini shtëpi, shkruan albinfo.ch.

Tashmë ekziston edhe uebi “Case1Euro”, ku shtëpitë mund të blihen online.

“A është me të vërtetë e mundur të blini një shtëpi për 1 euro? Po, dhe ky është një projekt nga Bashkia e Mussomelit në Sicili. Blini shtëpinë e ëndrrave për vetëm 1 euro në rrethin sicilian, vetëm pak kilometra larg nga plazhet e këndshme dhe tempujt historikë të Agrigento-s”, thuhet në njoftim, përcjell në shqip albinfo.ch.

Tutje, në njoftim thuhet se duke blerë shtëpi në këtë qytet, ia mundësoni vetes të përjetoni kulturën, traditat, një jetë të relaksuar në një prej tokave më paqësore dhe më të sigurta në botë.

Në faqen online kanë njoftuar se rreth 100 veta janë bërë me shtëpi në këtë zonë.

“Tashmë 100 njerëz kanë blerë nga një shtëpi, çfarë po prisni?”, thuhet tutje në njoftim.

Më shumë detaje rreth projektit në fjalë mund të gjeni duke klikuar këtu.