Mësohen shkaqet e aksidentit që la të vdekur 15 persona

Keystone EPA/GEORGI LICOVSKI

Prokuroria Themelore Publike e Maqedonisë së Veriut njofton se ka ngritur procedurë hetimore për shtatë persona për aksidentin që ndodhi më 13 shkurt në afërsi të fshatit Llaskarcës, me ç’rast humbën jetën 15 persona dhe 39 të lënduar.

Shkaqet që shpien deri tek aksidenti në fjalë sipas PTHP-së ka qenë shpejtësia më e madhe se e lejuara, autobusi ka lëvizur me shpejtësi prej 90 km/h, ndërkohë që shpejtësia e lejuar ka qenë vetëm 80 km/h, raporton “Alsat”.

Ndërkohë që ka pasur probleme edhe me sistemin e frenimit, përcjell albinfo.ch.

Lidhur me aksidentin janë marrë në pyetje gjithsejtë 47 persona, si dhe është kryer ekspertizë nga fakulteti i makinerisë për autobusin, tahografin, si dhe ekspertizë mjekësorë për gjendjen shëndetësore të vozitësit.

Hetimet flasin se në kohën e aksidentit nuk është përdorur celulari nga ana e vozitësit.

Alsat jozyrtarisht mëson se në mesin e të ndaluarve janë edhe vozitësi i autobusit si dhe pronari i Durmo Turs.