Më 2013 krijohet “Jura e madhe”?

Kantoni që do të krijohej do të përfshinte tri qarqe në regjionin Jura që sot ndodhet brenda kantonit të Bernës dhe vetë kantonin Jura.

Kantoni i Bernës dhe ai i Jura-s kanë filluar bisedimet për të ardhmen e regjionit të gjerë të Jura-s, që, sipas iniciuesve të themelimit të tij, do të mund të bëhej një kanton i ri, i Zvicrës. Iniciues është asambleja ndërjurasiene.

Ata duan të nisin një proces që do t`u mundësojë votuesve të japin qëndrimin e tyre qysh në vitin 2013 për krijimin e kantonit të ri. Kantoni që do të krijohej do të përfshinte tri qarqe në regjionin Jura që sot ndodhet brenda kantonit të Bernës dhe vetë kantonin Jura.

Qeveritë e të dy kantoneve janë shprehur me këtë rast se është në interesin e tyre që të gjendet një zgjidhje demokratike e konfliktit.