Masa për ndalimin e aksidenteve me biçikleta në Cyrih

541 aksidente kanë ndodhur në qytet në vitin 2018, 73 më shumë se në vitin 2017 dhe 264 nga 2011

Numri i aksidenteve që përfshijnë biçikleta në qytetin e Cyrihut është dyfishuar gjatë tetë viteve, duke bërë që zyrtarët të njoftojnë masat e sigurisë.

541 aksidente kanë ndodhur në qytet në vitin 2018, 73 më shumë se në vitin 2017 dhe 264 nga 2011, sipas shifrave të lëshuara nga departamenti i trafikut të Cyrihut, përcjell albinfo.ch.

Ndërkohë, numri i aksidenteve që përfshijnë ‘e-bikes’ vitin e kaluar u rrit në 89, që është 24 më shumë se një vit më parë, shkruan “The Local”.

“Aksidentet e biçikletave dhe pasojat e tyre janë një problem i pazgjidhur në Cyrih”, tha departamenti i trafikut në një deklaratë.

Zyrtarët i atribuuan rritjen e numrit të aksidenteve të biçikletave, në rritjen e popullaritetit të çiklizmit në përgjithësi dhe në faktin që infrastruktura aktuale nuk ishte e dizajnuar për një numër aq të madh të biçikletave, përcjell albinfo.ch.

Cyrihu tani ka në plan të përqendrohet në përmirësimin e sigurisë për çiklistët, duke identifikuar dhe rindërtuar pika të nxehta të aksidenteve në biçikleta dhe duke drejtuar fushata të ndërgjegjësimit publik.

Policia kantonale në Cyrih tha se kishte gjithsej 1,353 aksidente që përfshinin biçikleta ose e-bikes në të gjithë kantonin e Cyrihut në vitin 2018. Një vit më parë ishte 1,267 aksidente. Gjatë verës ndodhin më shumë aksidente.

---