Kushte të reja për regjistrimin në universitetet zvicerane

Sekretari i Përgjithshëm i Konferencës së Rektorëve të Universiteteve zvicerane konfirmon dispozitat e reja për regjistrimin e studentëve të rinj.

Për t’u pranuar studentët e huaj që dëshirojnë të regjistrohen në një universitet zviceran duhet të plotësojnë tani kushte më të ashpra. Për shembull, gjermanët duhet të kenë arritur një mesatare të caktuar gjatë studimeve të  tyre ose të kenë një dokument që dëshmon se janë të pranuar në një universitet gjerman.  

Sekretari i Përgjithshëm i Konferencës së Rektorëve të Universiteteve zvicerane (CRUS), Mathias Stauffacher, konfirmoi të dielën dispozitat e reja të cilat janë cituar në një  artikull të gazetës “Der Sonntag”. Në fakt, rregullat për pranim në universitet janë ndryshuar në fund të vitit të kaluar dhe të gjitha informacionet janë të publikuara në faqet e internetit të institucioneve përkatëse.

Sipas kushteve të përshkruara në faqen e CRUS, një gjerman, i cili dëshiron të studiojë në Zvicër ose duhet të ketë arritur një mesatare 2.5 (ekuivalente me e notës 4,5 në Zvicër) ose të sigurojë një certifikatë e cila dëshmon për pranimin e tij në një universit  gjermane të njohur.

Tani, në disa fakultete të Zvicrës, ku numri i vendeve është i kufizuar, këto dy kushte mund të plotësohen. Prandaj, edhe  Universiteti i Bernës dhe ai i Cyrihut kërkojnë një mesatare më të lartë, ekuivalente me notën  5.

Një fletëlëshim ligjor është kërkuar nga CRUS-i që universitetet zvicerane të gëzojnë të drejtën për të futur kuota për studentët e huaj apo taksa më të larta në qoftë se ato nuk kanë hapësirë të mjaftueshme. Masa të tilla nuk duket se janë  në kundërshtim me marrëveshjet ndërkombëtare ose bilaterale, vështron swissinfo.ch.

Tani për tani, vetëm Universiteti i St Gallen ka një  kuotë të caktuar deri në 25%. Ndërsa institucionet e tjera kanë fiksuar kushte të reja për regjistrimin e studentëve të huaj.

Sipas Zyrës Federale të Statistikave, 35. 714 studentë janë regjistruar në universitetet zvicerane në gjysmën e parë të 2010/2011. Një e treta e tyre ishin gjermanë, të ndjekur nga francezët dhe italianët.