Komedia ‘Night School’ prin në arkat filmike

Tiffany Haddish dhe Kevin Hart u kanë prirë arkave filmike me komedinë ‘Night School’. Filmi, në të cilin Haddish luan personazhin e një mësimdhënëse dhe me Hartin si një nga studentët e saj, ka arkëtuar plot 28 milionë dollarë.

Filmi i animuar ‘Smallfoot’, në të cilin dëgjohen zërat e Channing Tatum, James Corden dhe basketbollistit LeBron James, u rendit i dyti me 23 milionë dollarë përfitime, përcjell albinfo.ch.

Filmi më i shikuar i javës së kaluar, ‘The House With A Clock In Its Walls’, në të cilin aktrojnë Jack Black dhe Cate Blanchett, këtë herë u rendit i treti me 12.5 milionë dollarë përfitime.

‘A Simple Favor’ u rendit i katërti, ndërsa lista prej pesë filmave më të shikuar mbyllet me horronin ‘The Nun’. Ndërkohë, filmi ‘Johnny English Strikes Again’ deri më tani ka grumbulluar 44.2 milionë dollarë.