Kapen adoleshentët që verbonin lokomotivistët me dritë laseri

Një 13 vjeçar me prejardhje kosovare dhe një zviceran 14 vjeç, kanë pranuar se kanë bërë këtë veprim të dënueshëm

Janë kapur dy adoleshentë, për të cilët është konstatuar se me qëllim kanë përdorur dritën laserike për të verbuar lokomotivistin e një treni që qarkullonte të shtunën e javës së kaluar në hekurudhën Wettingen – Neuenhoh (Aargau). Një 13 vjeçar me prejardhje kosovare dhe një zviceran 14 vjeç, pas marrjes në pyetje, kanë pranuar se kanë bërë këtë veprim të dënueshëm.

Policia i kishte kapur ata pak kohë pas aktit të kryer, në një stacion autobusësh, dhe me këtë rast u kishte gjetur dy laserpointer, me të cilët ata kishin kryer deliktin.

Pas marrjes në pyetje, dy tinejxherët u janë dorëzuar prindërve të tyre. Ata dy do të përgjigjen para prokurorisë për të rinj, shkrun “Aargauer Zeitung”.

Me këtë rast, policia e Argaut tërheq vërejtjen se loja, në dukje e pasherr me drita të laserëve mund të jetë shumë e rrezikshme për njerëzit të cilëve u drejtohet, si për shëndetin e tyre ashtu edhe për sigurinë në trafik, sikurse është rasti me lokomotivistët.