Gjesti human i çiftit shqiptar përloti rrjetin në Itali

Ata i paguan faturën një gruaje të moshuar, e cila nuk kishte mundësi të paguante ushqimet esenciale që kishte futur në shportë

Një gjest i thjeshtë solidariteti, i një çifti shqiptarësh, që u bë publik nga punonjësja e një supermarketi në faqen e Facebook-ut, ka marrë mjera klikime dhe është shpërndarë në shumë rrjete sociale. Carola Balzarotti, administratore e faqes ‘Sei di Corbetta Se’ në facebook, punon si kasiere në një supermarket në Magenta në Itali, transmeton albinfo.ch

Ajo rrëfeu në faqen e saj një histori nga ato që lënë gjurmë, protagonistë të së cilës ishte një çift shqiptarësh, të cilët i paguan faturën një gruaje të moshuar, e cila nuk kishte mundësi të paguante ushqimet esenciale që kishte futur në shportë.

“Një histori e shkurtër e mrekullueshme.. Sot në punë, erdhi në kasë një zonjë e moshuar, e cila nxori nga shporta bukë, djathë, disa fruta … Pasi shkarkoi gjithçka nga shporta, me ndrojtje më tha: Zonjë të lutëm ndalo, me duket se e kam tepruar, kam vetem 50 euro, dhe me duhet te pres edhe nje jave per te marre pensionin. Sa ka shkuar fatura? 42 euro zonjë, ju përgjigja unë.

‘Jo Jo nuk mundem, më kaloni vetëm ushqimin për macen se për atë erdha dhe të tjerat hiqi’. Unë me lot në sy, i përkëdhela dorën dhe i thatë lMos u shqetësoni’. Pas zonjës ishte një çift të huaj, më duket se shqiptarë. Gruaja mu afrua dhe me zë të ulët me tha: Kaloji të gjitha për zonjën, diferencën e paguan im shoq. E kemi kaluar edhe ne këtë situatë, e di çfarë do të thotë” Më duket se i vura në siklet edhe ata, pasi ika më shpejtësi duke qarë në një cep.”

Ky postim brenda 24 orëve ka marrë mbi 5000 like dhe është shpërndarë me shpejtësi në rrjetet sociale në itali