Uncategorized

Gastronomët respektojnë mbylljen për 12 ditë, por jo më gjatë

“Ne nuk e marrim rritjen e rasteve si shkak i gastronomisë, por i fushatave politike, mirëpo ne po bëheni kurban për 11 ditë po mbyllemi"

E hënë, 5 Prill 2021 - 18:45 albinfo.ch
(KEYSTONE/Jean-Christophe Bott)

Kryetari i Shoqatës së Gastronomëve të Kosovës, Petrit Kllokoqi, ka njoftuar se do të respektohet ndalimi i punës për 12 ditë, sipas vendimit të Qeverisë, duke nisur nga 7 prilli.

Gjatë kësaj kohe, sipas Kllokoqit, do të bisedohet me Ministrinë e Shëndetësisë për gjetjen e një zgjidhjeje, në të kundërtën pas 11 ditësh gastronomët do të nisin punën sërish.

Në rast të tentimit të bllokimit të sërishëm, Kllokoqi tha se ata do të jenë të gatshëm të dalin edhe në rrugë.

“Kjo ishte një mbledhje emergjente e Shoqatës së Gastronomëve në kuadër të Odës Ekonomike të Kosovës. Edhe një herë politika po e bën fajin, pra faturën, kurse gastronomia po e paguan llogarinë”, tha ai. “Ne nuk e marrim rritjen e rasteve si shkak i gastronomisë, por i fushatave politike, mirëpo ne po bëheni kurban, për 11 ditë po mbyllemi. Ne nuk e pranojmë këtë mbyllje, por nuk do të protestojmë brenda 11 ditëve, por nëse vendoset që të shtyhet mbyllja, do të ketë mosdëgjueshmëri qytetare”, shkruajnë mediat kosovare, përcjell albinfo.ch.

 Të ngjashme

Sa ka ndikuar pandemia në lindjet në Zvicër

 Të tjera nga Uncategorized

Zvicër: Shkalla vjetore e inflacionit shënoi rënie në tetor

 E-Diaspora

 Jeta në Austri