Zvicër: Shkalla vjetore e inflacionit shënoi rënie në tetor

Indeksi kombëtar i çmimeve të konsumit ka rënë me 0.3 përqind krahasuar me muajin e kaluar, në 107.2 pikë

Mallrat dhe shërbimet në Zvicër kushtuan mesatarisht 0.1 përqind më shumë në tetor sesa një vit më parë. Kjo do të thotë që inflacioni vjetor ra me 0.1 pikë përqindjeje krahasuar me shtatorin, duke u rikthyer në të njëjtin nivel si në qershor, transmeton albinfo.ch.

Konkretisht, norma vjetore e inflacionit në tetor ishte 0.1 përqind, nga 0.2 përqind muajin e kaluar.

Kjo shifër tani është në të njëjtin nivel si në qershor, pas të cilit mbeti në +0.2 përqind për tre muaj rresht. Në maj, ajo madje ra pak për pak kohë në territor negativ.

Ky informacion u publikua nga Zyra Federale e Statistikave, të hënën.

Ndërsa mallrat vendase u bënë përsëri pak më të shtrenjta, mallrat e importuara në fakt u bënë më të lira, raporton srf.ch.

Indeksi kombëtar i çmimeve të konsumit ka shënuar rënie me 0.3 për qind krahasuar me muajin e kaluar, duke u ndalur në 107.2 pikë.

Ndër të tjera, janë ulur çmimet në sektorin e hotelerisë dhe për pushimet e paketuara jashtë vendit . Veshjet dhe këpucët, për shembull, u bënë më të shtrenjta.

---