Ngërçi politik, dy aksione sot para Qeverisë

Në një kohë kur procesi i konstituimit të institucioneve të Kosovës vazhdon të mbetet i bllokuar, Aleanca dhe Rinia Demokratike e Kosovës kanë paralajmëruar sot dy aksione simbolike para ndërtesës së Qeverisë

Aleanca dhe Rinia Demokratike e Kosovës do të zhvillojë sot një aksion simbolik para hyrjes së ndërtesës së Qeverisë së Kosovës, transmeton KosovaPress.Sipas njoftimit, n orë 11:55,

Aleanca zhvillon aktivitet simbolik te hyrja e Qeverisë së Kosovës.

Po ashtu edhe Rinia Demokratike e Kosovës ka njoftuar se, aktiviteti i tyre do të jetë sot pasdite në orën 17:00 para ndërtesës së Qeverisë.

Në ftesën e mediave nuk janë dhënë hollësi për qëllimin dhe mesazhin e këtyrë aksioneve simbolike. 

Pas zgjedhjeve të 7 qershorit, ende nuk janë konstituar institucionet.

Përveç PDK-së, edhe Aleanca ka vazhduar me kërkesën për vazhdimin e seancës për konstituimin e Kuvendit, ndërsa kanë akuzuar Lëvizjen Vetëvendosje për bllokim të procesit. Kjo e fundit ka thënë se fillimisht duhet të ketë marrëveshje për konstituim të institucioneve në mënyrë që të shmangen zgjedhjet e reja.

Të dyja këto parti kanë refuzuar ftesat e Lëvizjes Vetëvendosje për takime.

Në zgjedhjet e 7 qershorit, VV ka siguruar 53 vende në kuvend, PDK 22 deputetë, LDK 18 dhe Aleanca 7 deputetë.

---