Kryenegociatori i Iranit: SHBA dështoi ta fitojë besimin tonë

Keystone (AP Photo/Tomer Neuberg)

Kryetari i Parlamentit të Iranit, Mohammad Bagher Ghalibaf, njëherit udhëheqës i delegacionit iranian në bisedimet në Pakistan, kishte deklaruar se tani është koha që SHBA-ja të vendosë nëse mund ta fitojë besimin tonë apo jo.

Ghalibaf përmes një postimi në platformën “X”, para negociatave kishte theksuar se Irani kishte mirëbesim dhe vullnet të mirë, por për shkak të përvojave nga dy luftëra të mëparshme, nuk kishte besim tek pala tjetër, transmeton albinfo.ch.

Sipas tij, delegacioni iranian kishte paraqitur nisma me vizion për të ardhmen, por pala tjetër nuk arriti të fitojë besimin e delegacionit iranian gjatë këtij raundi bisedimesh.

“Ne nuk do të ndalemi për asnjë çast në përpjekjet tona për të konsoliduar arritjet e 40 ditëve të mbrojtjes kombëtare të Iranit,” u shpreh ai.