FDP në Vaud bashkon listat me SVP-UDC

Me këtë hap shpresohet që të sigurohen vendet e FDP-së në Dhomën e Madhe të parlamentit

Partia Liberale (FDP) e kantonit Vaud, në prag të zgjedhjeve për Parlamentin Nacional, ka bërë një lidhje të listës së saj të kandidatëve me SVP-UDC.

Ndërkaq, në nivel të gjithë Zvicrës bashkim i tillë listash nuk do të praktikohet, shkruan drs.ch.

Kjo, për shkakun se FDP e Zvicrës përfaqëson linjën për sa më pak bashkëpunim me SVP-UDC, ka thënë sekretari politik i FDP-së së kantonit Vaud.

Ai po ashtu ka shtuar se me këtë hap të degës së partisë, shpresohet që të mbahen të sigurta vendet e FDP-së në Dhomën e Madhe (Federale) të parlamentit.

Ndërsa, për dhomën e vogël, atë të kantoneve, të dy partitë synojnë që një bashkim listash ta marrin në konsideratë vetëm për turin e dytë të zgjedhjeve.