Ekremi, punëtor në të zezë në Zvicër prej 20 vjetësh

Mbrëmë, Radio Televizioni zviceran (tsr) transmetoi një reportazh të prekshëm për punëtorët kosovarë, të cilët janë të punësuar në të zezën

Ky reportazh vë në pah se si në mëngjes, në heshtje, në disa stacione të shërbimit në Lausanne ose në Gjenevë, punëtorët pa dokumente punësohen dita-ditës nga punëdhënësit e paskrupullt, të cilët rekrutojnë punë krahu me rroga shumë të ulëta dhe në kushte të mjera.

Emisioni «Temps présent» i transmetuar mbrëmë në Radio Televizionin Zviceran (TSR) ka hetuar për situatën e mjerë e këtyre punëtorëve të ashtuquajtur «pa letra»,  të shfrytëzuar dhe të paketuar me dhjetëra në studiot e qyteteve zvicerane.

Ekremi, punëtor qe 20 vjet në Zvicër, dëshmon për vështirësitë me të cilat ballafaqohet në përditshmërinë e tij.

Por, ky emision trajton gjithashtu temën e punës në të zezë, për pasojat që rezultojnë, për situatën e familjeve të varfra në Kosovë (dy familje në vend dëshmojnë), për përfitimet e sipërmarrësve, si dhe për përkushtimin e shtetit për këtë çështje.

Në vijim, emisioni në fjalë: