Diaspora zvicerane, njëzëri për lirinë e lëvizjes

Përmes një rezolute është kërkuar nga partitëtë angazhohen për ruajtjen e lëvizjes së lirë të njerëzve

Zviceranët e jashtëm (të diasporës) kanë filluar dje në Lugano kongresin e tyre të 89. Takimin e tyre vjetor e kanë filluar me mbledhjen e këshillit të zviceranëve të diasporës.

78 anëtarë të këtij këshilli, përmes një rezolute të mbështetur nga shumica e madhe e tyre, kanë kërkuar nga partitë zvicerane të angazhohen për ruajtjen dhe zhvillimin e mëtejmë lëvizjes së lirë të njerëzve me vendet e BE-së.

Nga gjithsej 700 mijë zviceranë që jetojnë jashtë Zvicrës, 400 mijë gjenden në vendet e ndryshme të BE-së. Kjo bën që ata të jenë të prekur në mënyrë të drejtpërdrejtë nga marrëveshja për lirinë e lëvizjes me këto shtete.

Këshilli i zviceranëve të diasporës ka ndërmend të angazhohet po ashtu për nxjerrjen e një ligji për zviceranët jashtë vendit.