Agjencia e Statistikave të Kosovës (ASK) ka publikuar raportin me të dhëna të detajuara për banesat dhe ndërtesat sipas komunave, në kuadër të Regjistrimit të Popullsisë, Ekonomive Familjare dhe Banesave 2024, përcjell albinfo.ch.

Ky publikim ofron një pasqyrë gjithëpërfshirëse mbi strukturën e banesave në nivel kombëtar dhe komunal, duke përfshirë tregues të rëndësishëm që ndihmojnë në analizimin e zhvillimeve në sektorin e banimit dhe planifikimin urban.

Sipas të dhënave të publikuara, në Kosovë janë regjistruar gjithsej 581,095 banesa, nga të cilat 356,959 janë të banuara nga një ose më shumë banorë.

Ndërkohë, 207,165 banesa, që përbëjnë 35.7 për qind të totalit, rezultojnë të pabanuara, duke përfshirë ato të destinuara për shitje, dhënie me qira apo përdorime të tjera.

Raporti përfshin informacione të detajuara për:

• Numrin e përgjithshëm të banesave sipas komunave

• Shpërndarjen e banesave në vendbanime urbane dhe rurale

• Klasifikimin e banesave në të banuara dhe të pabanuara

• Llojin e furnizimit me ujë

• Llojin e sistemit të shkarkimit të ujërave të zeza

• Mënyrat e ngrohjes në banesa

• Numrin e dhomave në banesat e zakonshme

ASK thotë se këto të dhëna janë një burim i rëndësishëm për politikat zhvillimore, si dhe për hartimin e strategjive për përmirësimin e kushteve të banimit dhe menaxhimin e qëndrueshëm të hapësirës.

Analiza e shpërndarjes së banesave të banuara dhe të pabanuara shërben gjithashtu për të kuptuar trendët e zhvillimit urban dhe rural, duke ndihmuar komunat në planifikimin e nevojave të ardhshme për infrastrukturë dhe shërbime publike.

Serbia është në një situatë shumë të vështirë dhe ne, Bashkimi Evropian, e mbështesim fuqimisht rrugën evropiane të saj dhe popullit serb, përcjell albinfo.ch.

Kështu ka deklaruar në një intervistë për Deutsche Welle, Marta Kos, Komisionere e BE-së për Zgjerim në lidhje me protestat në Serbi.

Ajo thekson se megjithëse Serbia ka qenë vend kandidat për shumë vite, ajo ende nuk i ka zbatuar të gjitha reformat.

“Kjo është arsyeja pse ne i ndihmojmë ata të zbatojnë këto reforma”, shtoi Kos.

Kur bëhet fjalë për çështjen e Kosovës si kusht për t’u bashkuar me BE-në, Marta Kos thekson: “Gjithmonë më pëlqen të them se kur një vend vendos për rrugën drejt BE-së, kjo vjen me detyrime dhe përgjegjësi. Është çështje zgjedhjeje. Prandaj, askush nuk po e detyron Serbinë. Por kur thua: “Po, ne duam të bëhemi anëtar i BE-së” , atëherë duhet të bëhet. Shumë gjëra duhet të bëhen”.

Kosova sivjet ka mbi 21 mijë hektarë më shumë të mbjella me grurë sesa vitin e kaluar, përcjell albinfo.ch.

Kështu tha kryeministri i vendit, Albin Kurti përmes një postimi në rrjetin social në Facebook duke e quajtur sukses dhe rekord të ri në vend.

Ai tutje tha se sot me ministrin në detyrë të Bujqësisë, Faton Pecin u rikthyen në fshatin Sopijë të Therandës.

“Aty na mirëpriti fermeri Xhemë Beqiraj që ka të mbjellë 25 hektarë grurë. Me punën e zellin e tij, dhe me mbështetjen që e ka marrë nga shteti përmes subvencioneve dhe granteve, tokën që për një kohë të gjatë ishte djerrinë, e ka kthyer në fushë të artë me grurë, që nesër të jetë bukë në sofrën tonë. E përveç grurit ka edhe mbi 11 hektarë të mbjellë me bostan e pjepër”, ka shkruar Kurti.

Ministrja në detyrë e Drejtësisë, Albulena Haxhiu, ka reaguar për vdekjen e 27-vjeçarit në Lipjan, duke bërë të ditur se autopsia e tij është kryer të hënën.

Ajo ka theksuar se IML-ja po bën përpjekje maksimale që raporti i autopsisë të përfundojë sa më shpejt dhe se një raport preliminar ende nuk është dorëzuar.

“Me urdhëresë nga Prokuroria Themelore në Prishtinë, dje është kryer autopsia e të ndjerit Agon Zejnullahu. IML është duke bërë përpjekje maksimale për të kryer sa më shpejt edhe analizimin histopatologjik dhe toksikologjik të mostrave indore të marra gjatë autopsisë, në mënyrë që të përfundojë sa më shpejt raporti i autopsisë. Instituti i Mjekësisë Ligjore ende nuk ka dorëzuar asnjë raport preliminar për këtë rast”, ka shkruar Haxhiu në Facebook.

I riu A. Z. në Lipjan ka vdekur në rrethana të dyshimta. Lidhur me rastin janë arrestuar dhe dërguar në mbajtje pesë zyrtarë policorë. Ata dyshohen për veprën penale “Vrasje nga pakujdesia”.

Nga ana tjetër, edhe ministri në detyrë i Punëve të Brendshme, Xhelal Sveçla, ka reaguar lidhur me rastin e vdekjes së 27-vjeçarit në Lipjan, rast për të cilin janë suspenduar mbrëmë pesë zyrtarë policorë.

Sveçla ka thënë se kushdo që rezulton fajtor për vdekjen e të riut Agon Zejnullahu në Lipjan do të marrë dënimin e merituar.

Një ditë pas rastit, përmes një postimi në rrjetin social Facebook, Sveçla ka thënë se hetimet për këtë rast janë duke u zhvilluar me intensitet maksimal, ndërsa shtoi se ka kërkuar angazhim urgjent dhe profesional nga IPK, si dhe bashkëpunim të plotë të Policisë së Kosovës gjatë këtij hetimi.

“Jam thellësisht i prekur nga lajmi për vdekjen e qytetarit tonë para mëngjesit të djeshëm në Lipjan. Si Ministër i Punëve të Brendshme, sapo jam informuar për ngjarjen, kam kërkuar angazhim urgjent dhe profesional nga Inspektorati Policor i Kosovës, si dhe bashkëpunim të plotë të Policisë së Kosovës gjatë këtij hetimi. Në kuadër të kësaj, hetimet tashmë janë duke u zhvilluar me intensitet maksimal. Bashkëpunimi mes Policisë së Kosovës, Inspektoratit Policor, Institutit të Mjekësisë Ligjore dhe Prokurorisë është kyç për zbardhjen e plotë të rrethanave të kësaj ngjarjeje të rëndë. Familjarëve të të ndjerit u shpreh ngushëllimet e mia më të sinqerta. Pres që sa më shpejt të zbardhet e vërteta dhe të gjitha rrethanat, si dhe familjarët dhe opinioni publik të njoftohen me të gjitha të gjeturat dhe epilogun e këtij rasti. Askush nuk është mbi ligjin dhe kushdo që rezulton fajtor do të përballet me drejtësinë dhe do të marrë dënimin e merituar. Policia e Kosovës, falë profesionalizmit, transparencës dhe përkushtimit në shërbim të qytetarëve, vazhdon të jetë institucioni më i besuar dhe më kredibil në vend. Ky besim duhet ruajtur me çdo kusht dhe pa kursyer askënd, pasi besimi qytetar është jo vetëm vlerë por domosdoshmëri për punën e suksesshme të Policisë së Kosovës. Atë do ta ruajmë me vendosmëri përmes drejtësisë dhe përgjegjësisë për secilin rast”, ka shkruar ai.

Në fund, Sveçla ka theksuar se Policia është institucioni më i besuar dhe më kredibil në Kosovë, duke shtuar se ky besim duhet ruajtur me çdo kusht.

Kreu i Departamentit Federal të Mbrojtjes, Mbrojtjes Civile dhe Sportit (DDPS), Këshilltari Federal Martin Pfister ka vizituar shtetin e Kosovës, shkruan albinfo.ch.

Gjatë vizitës së tij në Kosovë, Këshilltari Federal Martin Pfister u takua me anëtarët e SWISSCOY për të parë nga afër punën e tyre dhe situatën në terren.

Në Mitrovicë, ai vizitoi Ekipin Ndërlidhës dhe Monitorues (LMT), ku bisedoi me anëtarët e LMT-së zvicerane dhe mësoi më shumë për përgjegjësitë, sfidat dhe kontributet e tyre të përditshme.

Në Novo Selo, Këshilltari Federal Pfister shkëmbeu mendime me personelin e ushtrisë të vendosur në kompaninë e transportit dhe mbështetjes që ofrojnë shërbime operacionale drejtpërdrejt në KFOR.

Vizita ofroi një mundësi për Këshilltarin Federal Pfister për të parë se si Zvicra mbështet stabilitetin rajonal dhe bashkëpunimin ndërkombëtar në Kosovë dhe se si ky angazhim kontribuon në strategjinë më të gjerë të sigurisë dhe mbrojtjes së Zvicrës.

Kosova ishte ndalesa e parë në udhëtimin e tij në Ballkanin Perëndimor.

https://www.facebook.com/share/p/195GiPAD3H/

Këshilltari Federal Pfister do të vazhdojë në Bosnje dhe Hercegovinë për t’u takuar me personelin zviceran që shërben në misionin EUFOR ALTHEA.

Ministri zviceran i mbrojtjes, Martin Pfister, në një vizitë pune në Kosovë

Revista “Vogue” i ka kushtuar një artikull dhunës seksuale ndaj grave dhe në mesin e grave të përmendura është edhe e mbijetuara e dhunës seksuale gjatë luftës në Kosovë, Vasfije Krasniqi Goodman, përcjell albinfo.ch.

Ka plagë aq të thella sa gjuha mbetet pa mundur t’i kuptojë. Përdhunimi është njëra prej tyre. Ai hesht me forcë dhe pastaj me turp, duke i lënë të mbijetuarat të izoluara jo vetëm në dhimbjen e tyre, por edhe në pamundësinë e perceptuar për të folur për të. “Le të flasim për përdhunimin”, projekti afatgjatë nga fotografja dhe aktivistja Jadëiga Brontē, përballet me atë heshtje me qartësi radikale, duke krijuar një hapësirë ku dëshmia, solidariteti dhe dukshmëria bashkohen, shkruan Vogue.

I përbërë nga mbi 250 autoportrete dhe deklarata personale nga të mbijetuar të dhunës seksuale në të gjithë botën, projekti i reziston logjikës së anonimitetit ose abstraksionit. Çdo pjesëmarrës zgjedh se si të shihet, si të pozojë, çfarë të zbulojë dhe çfarë të thotë. Imazhet nuk janë klinike ose voyeuriste; ato janë të prekshme dhe të qeta, herë pas here konfrontuese, gjithmonë dinjitoze. Shikuesit nuk i jepet qasje me forcë, por ftohet të dëshmojë me kujdes.

Projekti i Brontës na kujton se edhe në një botë të mbushur me imazhe vuajtjesh, përdhunimi mbetet vazhdimisht i nënpërfaqësuar. Kemi parë fotografi të panumërta të luftës, urisë, zhvendosjes dhe protestave. Por dëshmitë për dhunën seksuale, veçanërisht në formën e vetëpërfaqësimit, janë të rralla. Pse është ende kaq e vështirë të shikosh? Cilat sisteme vazhdojnë t’i pengojnë të mbijetuarit të dëgjohen ose të besohen? “Le të flasim për përdhunimin” i ngre këto pyetje me këmbëngulje të qetë.

Kjo vepër është gjithashtu një dëshmi e faktit se përdhunimi nuk është një tragjedi individuale, por një krizë strukturore globale. Të mbijetuarat në këtë projekt vijnë nga vende, fe, mosha, orientime seksuale dhe prejardhje socio-ekonomike të ndryshme. Ky diversitet zbulon atë që shpesh errësohet: përdhunimi nuk diskriminon dhe nuk kufizohet në asnjë kulturë apo kontekst të vetëm. Ai mundësohet nga sistemet patriarkale të dominimit dhe heshtjes në të gjithë globin.

Në shkallën dhe qëllimin e tij, projekti formon një arkiv të gjallë, një arkiv që refuzon sigurinë. Ai krijon një platformë ku trauma nuk reduktohet në spektakël, por ndahet si e vërtetë. Është e rëndësishme të theksohet se nuk ka të bëjë vetëm me ekspozimin. Ka të bëjë me agjencinë. Duke zgjedhur të flasin, duke formësuar rrëfimet e tyre vizuale dhe tekstuale, të mbijetuarit rimarrin pushtetin.

Ende vazhdon kalimi në mënyrë të alternuar për automjetet për udhëtarë në të dy drejtimet, njofton Qendra për Menaxhim me Kriza.

Për automjetet e rënda transportuese vlen ndalim i plotë i qarkullimit.

Lajmi në përditësim…