Çdo zviceran prodhon pothuajse 95 kilogramë mbetje plastike në vit

Sipas raportit të Oceancare, 14,000 tonelata makro dhe mikro plastikë përfundojnë në mjedisin në Zvicër çdo vit

Sipas një raporti të ri, çdo zviceran prodhon pothuajse 95 kilogramë mbetje plastike në vit. Kështu, Zvicra prodhon më shumë mbetje për frymë sesa fqinjët e saj të drejtpërdrejtë, Gjermania, Austria, Franca dhe Italia.

Kështu thuhet në një raport të publikuar të hënën nga organizata për ruajtjen e detit Oceancare.

14,000 tonë plastikë në vit

Sipas raportit të Oceancare, 14,000 tonelata makro dhe mikro plastikë përfundojnë në mjedisin në Zvicër çdo vit. Shumica e kësaj vjen nga gërryerja e gomave (8900 ton) e ndjekur nga mbeturinat (2700 ton), përcjell albinfo.ch. Rreth 55 tonë plastikë përfundojnë në liqenin e Gjenevës çdo vit, një pjesë e madhe e saj në formën e mikroplastikës.

Sipas Oceancare, një pjesë e këtyre mbetjeve plastike përfundojnë në fusha, pyje, lumenj apo liqene. Hedhja e kësaj mase plastike i kushton vendit 200 milionë franga në vit. Përveç kësaj, një pjesë e këtyre mbetjeve nuk mund të grumbullohet sepse ato lëshohen në mjedis si të ashtuquajturat mikroplastikë

Organizata ndërkombëtare me seli në Zvicër është mbështetur në të dhënat e Zyrës Federale për Mjedisin (FOEN), të cilat bazohen në vlerësimet e vitit 2010.

---