Biblioteka “Hivzi Sulejmani” mbushet me 1426 libra të rinj

Të gjithë adhuruesit e leximit tanimë kanë një derë për të kërkuar titujt e tyre të preferuar të librave.
Duke filluar nga literatura angleze dhe ajo franceze, e deri te përrallat për më të vegjëlit, shkruan Rtklive.com.

Këtë e ka bërë të ditur kryetari i Komunës së Prishtinës, Shpend Ahmeti.

“Bibliotekës Komunale ”Hivzi Sylejmani” iu shtuan edhe 1426 tituj të ndryshëm, të cilat prej kohe ishin të kërkuara nga lexuesit e këtij institucioni.

Në listën e shfrytëzuesve të rregullt, përpos qytetarëve ka edhe një numër te madh studentësh, kërkesat e të cilëve janë mirëpritur nga menaxhmenti i Bibliotekës “Hivzi Sylejmani”.

Prej literaturës angleze dhe asaj franceze e deri te përrallat për më të vegjëlit, tirazhi për Bibliotekën ”Hivzi Sylejmani” po vazhdon të rritet çdo ditë e më shumë”, ka thënë ai, përcjell Albinfo.ch.