Banesa luksoze me qiranë më të shtrenjtë

Pronari i një apartamenti luksoz në Londër ka vendosur një rekord të ri për sa i përket shumës së qirasë për një muaj. Bëhet fjalë për 200.000 funte në muaj

Apartamenti ka pesë dhoma dhe është ofruar për qira në Hyde Park, ndërtesën më të shtrenjtë banimi në botë.

Analistët thonë se qiraja mujore për këtë apartament është e mjaftueshme për të blerë një apartament të vogël në shumë pjesë të Londrës, si dhe shuma vjetore (2.340.000 £) do të jetë e mjaftueshme për të blerë një shtëpi luksoze.

Nga agjencia e pasurive të patundshme “Sevils”, e cila është përgjegjëse për pronën në Hyde Park, thonë se tashmë ekziston një ofertë dhe se ka interes nga banuesit e tjerë të mundshëm.

Apartamenti ka 865 metra katrorë, i cili është gjashtë herë më i madh se një shtëpi tipike në Londër, korridori është 50 metra i gjatë, ka pesë dhoma gjumi, gjashtë banjo dhe një bodrum vere dhe dy vende parkimi.

Dhoma kryesore e gjumit  ka dy banjo dhe pjesa jugore e banesës ka një ballkon.

Nuk dihet pse pronari vendosi të lëshojë këtë pjesë luksoze të pronës me qira.