Opinione
Avdili: “T`i hedhësh benzinë zjarrit, nuk është zotësi”
"Për këtë klimë politike, që i ngjan kohës së revolucionit komunist e trashëguar nga grupe të ndryshme që ndrrojnë fytyrë vit për vit; përgjegjësi mban ai/ajo që nuk e ndal benzinën që hidhet në zjarr"
Përparim Avdili, deputeti i parë shqiptar në Parlamentin e Qytetit të Cyrihut, ka postuar në murin e tij në facebook një opinion lidhur me zhvillimet më të reja në skenën e politikës kosovare. Ai këtu merret edhe me qasjen e faktorit “diasporë” në këto zhvillime.
albinfo.ch publikon në vazhdim opinionin e z. Avdili.
Kosova siç duket po bëhet fushë e një beteje përtej partive politike atje. BE me paaftësinë e saj për të konsoliduar politikat e shteteve anëtare, po e shfrytëzon Kosovën për të demonstruar gjeopolitikën e tyre. Që SHBA-të e kanë në planin e tyre gjeostrategjik edhe Kosovën, nuk është një lajm i ri. SHBA si duket do ta zbatojë planin e vet edhe pa disa shtete të BE-së.
Zhvillimet e tjera që ndodhin në Kosovë, janë pjesë e politikës dhe sidomos kulturës politike atje, për të cilën secili e ka përgjegjësinë e vet. Kur e shoh se me çfarë gjuhe dhe kulture politike bëhen përballjet politike ndërmjet partive politike, ndihem me shumë fat që bëj politikë në Zürich. Ku si liberal që jam, vazhdimisht bashkëpunoj me të gjitha partitë pa asnjë paragjykim. Ndoshta është e tepërt të prisja funksionim të ngjashëm edhe në Kosovë, por ajo pjesë e Diasporës që çdo ditë shpall të shenjtë disa politikanë e disa të tjerë tradhtarë, ka dështuar në mënyrë spektakolare të transferojë kulturën politike në Kosovë. Ti hedhësh benzinë zjarrit nuk është zotësi.
Sido që të përfundojë kjo ditë sot, një gjë është e sigurt: për këtë klimë politike, që i ngjan kohës së revolucionit komunist e trashëguar nga grupe të ndryshme që ndrrojnë fytyrë vit për vit; përgjegjësi mban ai/ajo që nuk e ndal benzinën që hidhet në zjarr.
Kosovës, si të gjithë ballkanit, po i mungon fryma liberale.
- Ky është opinionn i autorit dhe nuk pasqyron patjetër qëndrimin e redaksisë.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl