Austri: Kushdo që rezulton pozitiv me COVID-19 tani duhet ta raportojë tek autoritetet

@aeniosi

Austria ka prezantuar një kërkesë të re rreth testimeve për koronavirusin, duke kërkuar që të gjithë që janë pozitivë të njoftojnë autoritetet.

Austria ka vendosur një sërë ndryshimesh në Aktin e Masave Covid-19 dhe Aktin Epidemik. Ndër të tjera, këto ndryshime kërkojnë që njerëzit në profesione të caktuara të testohen rregullisht – ose të mbajnë një maskë FFP2 si një kërkesë e detyrueshme, përcjell albinfo.ch

Ndryshimet gjithashtu kërkojnë që çdokush që rezulton pozitiv për koronavirus në një test në shtëpi është i detyruar ligjërisht ta raportojë atë tek autoritetet. Sipas ndryshimit të ri në ligj “nëse ka një rezultat pozitiv pas një testi antigjeni për vetë-aplikim, personi në fjalë duhet të informojë menjëherë autoritetin shëndetësor”.

Siç raportohet në The Local Austria të enjten, Austria po lëshon teste falas të koronavirusit ‘në shtëpi’. Kjo përfshin sigurimin e testeve falas për studentët e shkollës dhe teste falas që do të shpërndahen në farmaci. Sipas rregullores së re, kushdo që do të dalë pozitiv në shtëpi me një nga këto analiza të antigjenit do të kërkohet të njoftojë autoritetet, përcjell tutje albinfo.ch