Akuzë për racizëm pas sulmit me çekiç ndaj nxënësit shqiptar dhe atij nga Iraku

Ai dyshohet se shkoi në shkollën e mesme, i veshur me një kostum si uniformë dhe me një helmetë ushtarake, me qëllim "vrasjen e të huajve dhe myslimanëve"

Pas një sulmi me çekiç ndaj dy nxënësve në Bavari, Prokuroria Publike e Mynihut ka akuzuar një 15-vjeçar për tentativë vrasjeje dhe sulm të rëndë. Hetuesit deklaruan të mërkurën se besojnë se nxënësi sulmoi viktimat e tij, të moshës 13 dhe 14 vjeç, të cilët janë nga Kosova dhe Iraku, për motive raciste, transmeton albinfo.ch.

Akuzat janë ngritur në Dhomën e të Miturve të Gjykatës Rajonale të Augsburgut, shkrun br.de.

I akuzuari është në paraburgim. Ai dyshohet se shkoi në shkollën e mesme në Friedberg, Swabia, më 2 tetor, i veshur me një kostum si uniformë dhe me një helmetë ushtarake, me qëllim vrasjen “e të huajve dhe myslimanëve”.

15-vjeçari thuhet se ishte i armatosur me dy pistoleta airsoft dhe një çekiç. Ai akuzohet se i ka sulmuar viktimat e tij pa paralajmërim, duke i goditur në kokë dhe trup, duke u shkaktuar lëndime të lehta deri të mesme.

---