Arlind Ajeti në Seria A

Ekipi italian “Frosinone” nuk ka mund ta kapërdijë humbjen e thellë që Interi ia shkaktoi të dielën e kaluar duke e mundur 4-0. Për këtë ata menjëherë kanë filluar negociatat më futbollistin e kombëtares shqiptare Arlind Ajetin.

Ajeti që nga vera e kaluar është pa skuadër, pasi që ish klubi i tij Bazeli nuk shprehi dëshirën për të ia zgjatur kontratën.  Javën e kaluar ai ishte afër për t’u transferuar në St.Gallen, por në momentet e fundit gjithçka dështoi, njofton “albinfo.ch”.
Megjithëkëtë sipas mediave italiane, mbrojtësi shqiptar pritet që gjatë ditës së martë të arrin marrëveshjen.

“Gazzeta dello Sport” e quan 99% punë të kryer transferimin e mbrojtësit shqiptar te skuadra italiane.

Sipas mediave, Arlind Ajeti do të firmos kontratë deri në fund të muajt qershor të vitit 2016 me mundësi vazhdimi edhe për dy vite të tjera.

Albinfo.ch