Anxhela Martini “i kthen shpinën” Pajtim Kasamit?

Kasami: “Anxhela bën gjithçka për tu bërë e famshme. Ajo i pëlqen meshkujt e suksesshëm, pa dallim nëse janë të rinj, të moçëm, të bukur, të shëmtuar..."

Pak ditë më parë është bërë publike lidhja e re e modeles së famshme shqiptare-zvicerane Anxhela Martini me multimilionerin Tim Vögele. Por, ajo që nuk është ditur dhe na e zbulon futbollisti shqiptaro-zviceran Pajtim Kasami, ka qenë pikërisht ky vetë, që “e ka pasur në dorë” gjatë tre muajve të fundit bukuroshen 26 vjeçare me prejardhje nga Shkodra.

Kasami, futbollist i Fulham-it anglez vetëm tund kokën pa kuptuar gjë kur flet për “të ikurën” e tij. “Anxhela bën gjithçka për tu bërë e famshme. Ajo i pëlqen meshkujt e suksesshëm, pa dallim nëse janë të rinj, të moçëm, të bukur, të shëmtuar, të zinj apo të bardhë. Kapital i saj është pamja e bukur. Ajo është sipërfaqësore.”, ka thënë Kasami 20 vjeçar.

Ndërsa, i pyetur nëse me këtë rast po flet nga ndjenja e xhelozisë pasi që është braktisur nga bukuroshja, ai thotë: “Ky kapitull është i mbyllur për mua. Unë shpresoj që Anxhela të jetë e lumtur me atë çfarë po bën”.

Tim Vogele, më i riu në krah të bukuroshes shqiptare është trashëgimtar i një kompanie të madhe tekstili, pasuria e të cilit vlerësohet në mes 400 dhe 500 milionë euro.