Anesteziologu ka abuzuar pacientet në gjendje narkoze!

Sulmet kanë ndodhur para zgjimit të viktimave nga narkoza

Një infermier i anesteziologjisë në Spitalin Universitar të Cyrihut akuzohet për abuzimin seksual të pacienteve gjatë kohës sa ato ishin të narkotizuara.

Sipas asaj që një prokuror i Cyrihut i ka deklaruar televizionit “TeleZüri”, i dyshuari tashmë është arrestuar dhe marrë në pyetje.

Prokuroria pretendon se infermieri  ka abuzuar për një kohë të gjatë me femrat në kthinën ku ato janë vendosur për tu dalë narkoza.

Në fund, atë e kishte denoncuar një paciente e abuzuar.

Dyshohet se sulmet kanë ndodhur para zgjimit të viktimave nga narkoza. Ndërkohë, prokuroria ka kërkuar edhe te një numër pacientesh tjera që të njoftojnë nëse kanë indikacione për veprime të ngjashme.