A po e vizitojnë turistët Francën?

Gati 83 milionë turistë të huaj vizituan Francën në vitin 2016, më pak se në vitin 2015, kur kishte 85 milionë vizitorë. Vendi ende mbetet si një destinacion kryesor turistik, sipas Qeverisë franceze, raporton “AFP”, përcjell albinfo.ch.

“2016-a do të mbetet një vit i veçantë për shkak të sulmeve, motit të keq dhe protestave sociale”, tha ministri i Punëve të Jashtme dhe Zhvillim Ndërkombëtar, Jean-Marc Ayrault, në qytetin jugperëndimor Biarritz.

Ai vuri në dukje se vlerësimet e para të numrit të vizitorëve të huaj tregojnë se vendi është destinacioni i parë turistik në botë, si në vitin 2015, kur ajo kaloi Shtetet e Bashkuara të Amerikës dhe Spanjën.

Ministri ka përmendur përpjekjet e qeverisë dhe të industrisë për të rivendosur imazhin e mirë të turizmit francez jashtë vendit, sidomos në planin për të synuar reklamat 10-milionëshe.

Efekti ishte i vërtetë, sidomos me kthimin e turistëve japonezë, duke shtuar se qëllimi i Parisit është që të arrijë pragun simbolik prej 100 milionë turistësh më 2020.

Numri përfundimtar i turistëve në Francë në vitin 2016 do të publikohet në muajin mars.