“Volkswagen Passat”, vetura evropiane e vitit 2015

"Passat" fitoi vendin e parë me 340 pikë. Vendi i dytë është fituar nga "Citroen C4 Kaktus" dhe i treti, nga "Mercedes C"

Në prag të Panairit të 85-të të automobilave në Gjenevë, në këtë  qytet zviceran është mbajtur pjesa e fundit e përzgjedhjes së veturës evropiane të vitit 2015 (Car of the Year 2015), ku këtë herë ka fituar “Volkswagen Passat”.

“Passat” me shumicë dërmuese fitoi vendin e parë me 340 pikë.

Vendi i dytë është fituar nga “Citroen C4 Kaktus” që mblodhi 248 pikë dhe “Mercedes C”,  i treti me 221 pikë të mbledhura nga juria.

Në garat për titullin  “Car of the Year 2015” janë përfshirë të gjitha modelet konkurruese që dolën në tregun evropian gjatë vitit 2014.

Vetura e vitit është zgjedhur nga një juri ndërkombëtare e përbërë nga 58 gazetarë të automobilizmit nga 22 vende evropiane.

Përzgjedhja tradicionale për automjetin më të mirë evropian të vitit është mbajtur që nga viti 1964, ndërsa fituesi i 2014-s ishte “Peugeot 308”.​