Patrik Nuo ndahet përfundimisht nga Molly Schade

Këngëtari 32 vjeçar i shkurorëzuar tashmë zyrtarisht, ka ndarë me ish gruan e tij të drejtën dhe detyrimin e përkujdesjes mbi fëmijët e përbashkët

Ka njëfarë kohe që nuk kemi dëgjuar pothuaj asgjë për pop-këngëtarin e njohur zviceran me rrënjë shqiptare, Patrick Nuo. Por, as tash nuk kemi ndonjë lajm nga krijimtaria e tij, karriera prej këngëtari: mjerisht! Lajmi që po japim tash ka të bëjë me jetën e tij private, më saktë për shkurorëzimin tij nga amerikania Mooly Schade.

Këngëtari 32 vjeçar i shkurorëzuar tashmë zyrtarisht, ka ndarë me ish gruan e tij të drejtën dhe detyrimin e përkujdesjes mbi fëmijët e përbashkët. Atij, bazuar në vendimin gjyqësor i takon të kalojë dy vikende në muaj bashkë me dy fëmijët.

“Ndarja nuk është gjë e thjeshtë, për asnjërin në familje”, thotë Nuo i cituar nga blick.ch. Ndërkaq Molly e pati bërë kërkesën për ndarje qysh para tri vitesh.

“Jam mirënjohës që çdo gjë e ka një fund”, thotë Nuo. Ai shprehet se tash e kupton se çfarë do të thotë shkurorëzimi dhe nëpër çfarë duhet të kalojnë bashkëshortët dhe fëmijët.

Por, Nuo nuk ka kohë për të pushuar. Ai është duke punuar në albumin e tij të ri dhe duke e shijuar kohën në Los Angelos.