Lajme

Mbi 26 mijë maturantë në Kosovë i nënshtrohen testit të maturës

E shtunë, 29 Gusht 2020 - 9:50 albinfo.ch

Me dy muaj vonesë, për shkak të pandemisë Covid-19, mbi 26 mijë maturantë në Kosovë sot i nënshtrohen testit të maturës. Testi që nis në orën 10 dhe zgjat deri në orën 12 e 30 mbahet duke zbatuar rekomandimet e Institutit Kombëtar të Shëndetësisë Publike. Sipas këtyre rekomandimeve, në secilën klasë numri maksimal do të jetë 12 nxënës.

Ky test do të mbahet në 184 qendra të testimit, në 30 komuna të Kosovës dhe për mbarëvatjen e procesit janë angazhuar 2.568 administrues, 570 komisionerë, 570 mbikëqyrës dhe nga 3 mësimdhënës në secilën qendër. Rezultatet pritet të dalin më 7 shtator, përcjell albinfo.ch.