Dy vdekje të dyshimta në Prishtinë

Gjatë ditës së djeshme në Prishtinë është raportuar për dy vdekje në rrethana të dyshimta.

Njëri rast ka ndodhur në rrugën ‘Fahri Fazliu’, teksa në rrugë është gjetur i shtrirë viktima i gjinisë mashkullore, nga ku i njëjti është dërguar në emergjencë, ku edhe ka ndërruar jetë, shkruan lajmi.net.

Me vendim të prokurorit, trupi i pajetë dërgohet për obduksion.

Ndërsa në rastin e dytë është raportuar se viktima femër kosovar është gjetur pa shenja jete.

Vdekjen e viktimës e ka konstatuar mjeku.

Me vendim të prokurorit, trupi i pajetë i viktimës është dërguar në IML për obduksion, shkruan Lajmi.net, përcjell Albinfo.ch.