Lajme

“Muza e zezë” të shtunën në Prishtinë

Elina Duni nën shoqërimin e këngëtarit Vlashent Sata, do të këndoj në Prishtinë me rastin e Festës së muzikës “La Fete de la Musique”

E enjte, 19 Qershor 2014 - 17:07 albinfo.ch

Ambasada franceze në Prishtinë organizon një koncert të hapur në sheshin “Nënë Tereza”, në të cilin do të interpretojnë artistja e madhe nga Shqipëria, Elina Duni – “Muza e Zezë”. Nën shoqërimin e këngëtarit Vlashent Sata, ajo do të këndoj me rastin e Festës së muzikës “La Fete de la Musique”.

Koncerti do të mbahet më 21 qershor duke filluar nga 21:00 dhe do të jetë i hapur për të gjithë publikun.

Ndryshe, kjo do të jetë paraqitja e dytë e Elina Dunit në Prishtinë për këtë vit. Festa e muzikës “La Fete de la Musique” është organizuar nën kujdesin e Ambasadës franceze në Prishtinë, Alliance Française dhe komunës së Prishtinës.