CVP kërkon më shumë policë dhe dënime më të ashpra

Edhe pse Zvicra është një nga vendet më të sigurta në botë, një fakt i këtillë nuk e ka bindur CVP-në e Christoph Darbellay

Subjekti politik që e udhëheq Darbellay kërkon dënime më të ashpra për kriminelët dhe rritje të numrit të  policëve.

Siguria në Zvicër duhet të përmirësohet, thonë në CVP duke kërkuar që personat e  dyshuar të mbahen më gjatë në paraburgim se deri më tani.

Aktualisht  personat e dyshuar mund të ndalohen  nga policia  në një maksimum prej 24 orësh.

Prandaj  CVP  bën thirrje për zgjatjen e ndalimit në 72 orë.

 Masat plotësuese me të cilat CVP synon të përmirësojë  sigurinë e brendshme bartin dënime më të ashpër për shkelje të rendit dhe qetësisë.

Nga perspektiva e drejtorit të sigurisë në qytetin e Bernës, Reto Nause,  autorët që përsërisin veprat kundër ligjore  duhet të përballen me dënime që shkojnë përtej nivelit aktual prej 3 vitesh.

CVP e vlerëson ligjin aktual penal të Zvicrës si shumë të butë.

Presidenti i CVP-së, Christophe Darbellay, gjithashtu bëri thirrje për të rritur numrin e forcave zvicerane të sigurisë  me 3 mijë policë dhe 300 roje kufitare shtesë.

CVP do të provojë kërkesat për më shumë siguri t’i konkretizoj në nisma në nivel kantonal dhe nacional.