Bankat zvicerane kërkojnë bankierë

Shkurtimet e mëdha në staf në industrinë financiare zvicerane duket të kenë përfunduar këtë vit

17 për qind më shumë vende pune nëpër bankat zvicerane janë shpallur si të lira në fillim të këtij viti.

Numri i vendeve të punës në industrinë financiare zvicerane vazhdon të rritet. Për herë të parë pas dy vjetëve më shumë se 3.500 vende pune janë shpallur të lira, shkruan në indeksin e «Finews-JobDirectory”.

Në faqet e internetit të 1.400 bankave zvicerane, kompanive të sigurimeve dhe instituteve të tjera financiare deri në fund të qershorit figuronin 3506 vende të lira pune, 17 për qind më shumë se një vit më parë.

Punëdhënësi më i madh në industrinë bankare mbeten bankat UBS dhe Credit Suisse. Në tremujorin e dytë numri i vendeve të lira është rritur në UBS për 16 për qind, ndërsa Credit Suisse  për 10 për qind. 

Në sektorin e sigurimeve, i cili është më pak i prekur nga problemet strukturore dhe ekonomike, në tremujorin e dytë të vitit 2013 është regjistruar një rritje e lehtë sa i përket hapjes së vendeve të reja të punës. Shumica e vendeve të lira të punës figurojnë në Cyrih (106) dhe në AXA Winterthur (91).