Zvicra mund t`ia dorëzojë të dhënat bankare SHBA-së

Me këtë vendim Gjykata Federale vërteton një vendim të mëhershëm të Gjykatës Administrative Federale

Zvicra ka të drejtë t`i dorëzojë SHBA-së të dhëna për klientët e bankës Credit Suisse. Këtë vendim e ka marrë Gjykata Federale duke hedhur poshtë ankesat e bëra nga personat e interesuar. Kërkesa grupore e bërë nga autoritetet tatimore të SHBA-së (IRS) nuk mund të përpunohet nga aspekti gjyqësor, thuhet në vendimin e Gjykatës.

Me këtë vendim Gjykata federale vërteton një vendim të mëhershëm të Gjykatës Administrative Federale . 

IRS në vitin 2011 kishte kërkuar nga Credit Suisse t`ia dorëzojë të dhënat e klientëve amerikanë që i kanë bishtnuar pagesës së tatimeve . Credit Suisse me atë rast ishte akuzuar se po i fshihet të ardhurat dhe pasurinë e klientëve amerikanë nga autoritetet përkatëse amerikane.