Nestlè, e dhjeta në botë

Vlera e aksioneve të Nestlè-s, siç shkruan revista ekonomike gjermane "Handelsblatt" është 160 miliardë euro

Koncerni i madh zviceran i industrisë ushqimore Nestlè është radhitur në vendin e dhjetë në mesin e ndërmarkjeve të mëdha botërore, sa i përket çmimit që ua përcakton tregu. Vlera e aksioneve të Nestlè-s, siç shkruan revista ekonomike gjermane “Handelsblatt” është 160 miliardë euro.

Në vendin e parë, si ndërmarrja më e shtrenjtë, është shpallur koncerni amerikan i naftës Exxon Mobil me një vlerë aksionesh prej 280 miliardë eurosh. Vendin e dytë në këtë ranglistë e ka zënë koncerni kinez Petrochina ndërsa të tretin koncerni amerikan i kompjuterëve Apple. Ngritjen më të madhe e ka realizuar kjo e fundit (Apple) e cila vetëm një vit më parë nuk bënte pjesë as në mesin e dhjetë ndërmarrjeve më me vlerë të botës.

Nga ndërmarrjet zvicerane, vende të larta në këtë ranglistë botërore kanë zënë edhe ndërmarrjet farmaceutike si Novartis që radhitet në vendin e njëzeteshtatë dhe Roche, në vendin e dyzetë.