Hasi flet për përballjet me Barcelonën e Juventusin në Ligën e Kampionëve

Olympiacosi në këtë sezon do të luajë në Grupin B bashkë me Barcelonën, Juventusin dhe Sporting Lisbonën

Besnik Hasi, trajneri i Olympiacosit, pasi ka mësuar shortin e Ligës së Kampionëve, ka thënë se ekipi i tij do të ketë përballje të jashtëzakonshme në sezonin e ri të ligës më të fortë evropiane.

Olympiacosi në këtë sezon do të luajë në Grupin B bashkë me Barcelonën, Juventusin dhe Sporting Lisbonën. Hasi është shprehur i dorëzuar në këtë grup, por ka thënë se do të jetë mësim i mirë për skuadrën.

“Do të jetë eksperiencë e mirë për djemtë. Mendoj se edhe për përkrahësit. Skuadra të mëdha. Në anën sportive, do të donim skuadra të tjera. Do të mësojmë shumë nga ky grup”, është shprehur ai për televizionin zyrtar të klubit, përcjell Albinfo.