Zvicra do të mbështes Kosovën edhe në të ardhmen

Ambasadorja zvicerane, Krystyna Marty Lang ka shprehur gatishmërinë për vazhdimin e një bashkëpunimi më të fuqishëm ndërshtetërorë

Ministri i Financave, Bedri Hamza ka takuar ambasadoren zvicerane në Prishtinë, Krystyna Marty Lang, e cila ka thënë se Zvicra do të mbështes Kosovën edhe në të ardhmen

Në këtë takim u diskutua për bashkëpunimin ndërshtetërorë ndërmjet Qeverisë së Republikës së Kosovës dhe Qeverisë së Republikës Federale të Zvicrës.

“Ministri Bedri Hamza, duke falënderuar qeverinë dhe popullin zviceran për mbështetjen e vazhdueshme që i kanë dhënë Kosovës, kërkoi nga Qeveria e Zvicrës ta mbështet Kosovën edhe në të ardhmen, sidomos në zhvillimin e turizmit dhe në zhvillim ekonomik të saj”,  thuhet në kumtesë.

Hamza e ka njoftuar ambasadoren zvicerane, Marty Lang për zhvillimet financiare dhe ekonomike në vend, për të arriturat e Qeverisë së Kosovës gjatë këtij vitit fiskal, si dhe planet për vitet e ardhshme.

“Ndërsa, ambasadorja zvicerane, Krystyna Marty Lang, duke falënderuar ministrin Hamza për bashkëpunimin e deritanishëm me Qeverinë zvicerane, ka shpreh gatishmërinë e shtetit të saj për vazhdimin e një bashkëpunimi më të fuqishëm ndërshtetërorë, sidomos në fushën e eliminimit të taksave të dyfishta”, thuhet në kumtesën e MF-së.

Hamza, shfrytëzoi rastin që përmes ambasadores zvicerane t’u bëjë thirrje bizneseve zvicerane që të shohin mundësinë e investimeve të tyre në Kosovë, për shkak se Kosova ofron kushte dhe mundësi të mira për investitorët.