Gjykata Federale nuk lejon shkollimin jashtë sistemit shkollor

Edukimi në distancë (p.sh. nga shtëpia) nuk lejohet për fëmijët me moshë për arsim të detyruar, për shkak se ky sistem nuk zhvillon aftësitë sociale të nxënësve. Ky është vendimi i së hënës ia Gjykatës Federale (TF) të Lozanës.

Ky vendim është dhënë pasi që një çift nga Cyrihu kishte shprehur dëshirën që katër fëmijët e tyre t‘i mësojnë nga shtëpia mësimet e transmetuar nga Gjermania. Nëse fëmijët kanë pyetje, ata mund t’i shkruajnë mësuesit përmes email-it, apo t‘ia shtrojnë pyetjet përmes telefon dhe Webcam.

Autoritetet e Cyrihut e kanë refuzuar këtë lloj leje për prindërit, të cilët janë ankuar pranë Gjykatës. Gjykata kantonale i ka dhënë të drejtë kantonit.

Për Gjykatën Federale, mësimi jashtë shkollave (de të thotë nga shtëpia) nuk përputhet me Kushtetutën federale, në të cilën qëndron parimi i së drejtës për arsimim themelor të mjaftueshëm. Arsimi themelor duhet t‘u ofrojë fëmijëve aftësi shkollore, por edhe sociale.

Kontaktet dhe shkëmbimet me të rritur dhe me fëmijë të tjerë, me kultura dhe fe të tjera, kontribuojnë në zhvillimin social të nxënësit. Mësimi në distancë është margjinalizues, sepse nxënësi nuk ka kontakt të drejtpërdrejtë me të tjerët.